Во овој пост ќе објаснам како да креирате сопствен твитер бот кој ќе твита рандом настани. Доколку сеуште не знаете на што мислам можеби ќе ви биде појасно доколку ги погледнете @eventsonthisday и @nadeneshenden. Се работи за два твитер бота кои секојдневно твитаат по некој рандом настан кој се случил тој ден неколку години наназад.

Пред да започмене со инструкциите потребни се неколку работи

1. Твитер профил (ќе креираме сопствена апликација)
2. Линукс оперативен систем со инсталиран curl
3. И овие 3 фајлови OAuth.sh TwitterOAuth.sh и tcli.sh

Одиме по ред. По креирање на твитер акаунт, треба да креираме сопствена апликација која ќе ни служи за твитање на настаните. Со креирање на оваа апликација кога ќе ги праќаме твитовите под нив ќе стои, пример via nadeneshenden. Апликацијата ја креираме од следниов линк dev.twitter.com/apps/new каде ги пополнуваме задолжителните полиња, име на апликацијата, опис и веб страна.

Не сум некој голем музички фан, не дека не слушам музика но не се оптеретувам со тоа да има голема музичка колекција во мојот компјутер. Кога слушам музика најчесто слушам преку моите три омилени интернет радио станици Digitally Imported, Afterhours и Amsterdam Trance Radio или пак YouTube (знам дека не е музички сервис но мене ми служи совршено )

Веќе подолг период слушам за Spotify, нов музички сервис. По започнувањето на соработката со Facebook и добрите критики кои ги прочитав решив да го пробам. На почеток наидов на неколку препреки од типот, не е достапен во Македонија, верзијата за Линукс не работи за слободна претплата но за се има лек. Во продолжение нема да го објаснувам сервисот само ќе ви кажам дека вреди да го пробате.

Се што треба да направите е да обезбедите некој бесплатен VPN сервис со IP адреса на некоја од земјите во кои е достапен Spotify како Холандија, Америка, Велика Британија, Финска, Норвешка, Шпанија. Јас користам ibVPN со сервер во Холандија. Вие можете да корисите било кој VPN сервис, на пример proXPN само при пријавување на страната на Spotify освен што ќе ја лажирате земјата ќе мора да најдете некој соодветен поштенски код. Следно што ви преостанува е да ја симнете апликацијата, да го стартувате вашиот VPN клиент, да се логирате и да почнете со слушање на музика. Не заборавајте да се поврзете со Facabook. Во продолжение следуваат неколку слики.