Повеќе од 2 години сум на Twitter @alifaan и за ова време имам зачувано неколку интересни твитови на луѓето кои ги следам. Без некој позначаен редослед еве листа од 10 најинтересни твитови кои се нашле во мојот favorites “фолдер”. Read the rest of this entry »

Во претходниот пост објаснив како да го додадете Windows во Grub менито. По дифолт Grub менито го подигнува Linux оперативниот систем. За оние кои сакат Windows да им биде прв систем кој автоматски ќе се подигнува при стартување на компјутерот еве решение.

Стартувајте го Linux оперативниот систем, отворете Terminal, најавете се како root корисник. Со вашиот омилен текст едитор отворете /boot/grub/menu.lst. Во овој конфигурациски фајл ќе најдете линија default 0. При стандардна инсталација на Linux без некои надградби на кернелот, за сетирање на Windows како прв оперативен систем кој ќе се стартува треба да ја смените линијата во default 4. Рестартирајте и видете дали успешно сте ја завршиле работата.

Доколку имате инсталирано некоја надрградба на кернелот на вашиот Linux систем и во Grub менито при стартување има можност за избор на повеќе кернели, тогаш наместо defaul 4 вие треба да ставите број кој ќе одговара на блокот од наредби за подигање на Windows. Броењето на блок наредбите започнува од 0, па ако имате 2 кернели + 2 recovery mode линии + 1 линија memtest86+ и една линија како наслов за друг оперативен систем во Grub менито а после овие се наоѓа Windows опцијата тогаш вредноста би била default 6.

Напомена како сугестија од minimoog77 пред да правите промени на /boot/grub/menu.lst фајлот направете копија од него со командата cp /boot/grub/menu.lst /boot/grub/menu.lst~.

Расте бројот на корисници кои сакаат да пробат некоја од Linux дистрибуциите, но сеуште да го имаат својот Windows активен во случај да неможат да се снајдат со новиот оперативен систем. Оние кои инсталирале некоја од Linux дистрибуциите (врз постоечки Windows оперативен систем) знаат дека по инсталацијата, и стартување на компјутерот имаат можност за одберат кој оперативен систем да се стартува. Тоа е сосема солидно, но доколку поново инсталираат Windows, тие ќе го загубат Grub boot loader-от кој служи за избор кој оперативен систем да се стартува. Еве решение како да го повратите Grub boot loader-от.

За оваа работа потребно е Live CD од некоја понова Linux дистрибуција, Ubuntu 9.04 на пример.

1. Подигнете го Live CD-то, и стартувајте го terminal-от Applications > Accessories > Terminal.
2. Следен чекор е во terminal да ја внесете командата “sudo grub“.  Потоа внесете “find /boot/grub/stage1” (оваа команда ќе ви ја врати boot партицијата која ќе треба да ја внесете во следната команда). Следната команда би била “root (hd0,0)” (доколку претходниот излез од командата беше hd0,0 доколку е друг, сменете ги броевите во зависност од излезот на /boot/grub/stage1 командата). Следно е инсталација на Grub boot loder-от со командата “setup (hd0)“. Последен чекор е “quit” за излез, и потоа рестарт на оперативниот систем.

Со претходните чекори вие поново го сетиравте Grub boot loder-от, но можно е по рестарт да не се појави Windows оперативниот систем, да има само Linux. Не се секирајте не сте го изгубиле Windows-от само треба да се едитира Gurb-от и се ќе биде во ред.

Стартувајте ја Linux дистрибуцијата, повторно отворете Applications > Accessories > Terminal. Сега внесете ја командата “nano /boot/grub/menu.lst” која ќе ви го отвори текст фајлот кој служи за едитирање на изборот на оперативен систем при стартување на компјутерот. Во овој текс фајл веќе има предефинирани опции за одредени Windows системи, но ние ќе одиме на крајот од фајлот и ќе додадеме наши комнади кои би послужиле за подигунување на Windows оперативниот систем. Тоа се следниве неколку реда на код:

title           Microsoft Windows XP Professional
root            (hd0,0)
savedefault
makeactive
chainloader     +1

Ова би било доволно, и откога ќе го рестартирате вашиот компјутер ќе имате grub мени каде после Linux дистрибуциите ќе имате и една Windows опција која ќе ви овозможи да го подигнете вашиот Windows оперативен систем.

Доколку имате било какви проблеми со Grub слободно оставете коментар.

Google Apps преставува сервис кој ви овозможува сетирање на ваш сопствен домејн. При сетирање на вашиот домејн Google ви овозможува да креирате email акаунти слични на Gmail, но од вашиот домејн. Освен Gmail, на располагање ви се и Google Docs, Google Sites, Google Calendar и уште некој сервис. Доколку веќе имате направено свои email адреси, со помош на Google apps, вие имате можност да користе и GTalk, кој е вграден во самиот Gmail сервис.

Доколку користите официјален GTalk клиент од Google треба само да се најавите со вашиот сопствен акаунт example@domain.com и вашата лозинка и се ќе функционира совршено. Но овој клиент е достапен само за Windows корисници па оние кои користат Linux мора да се послужат со следниов трик.

Отворете Pidgin и одете да креирате нов акаунт. За protocol изберете “Google Talk”, за username внесете го вашето корисничко име на акаунтот пр. example  а за domain внесете го доменот “domain.com”. Во полето password внесете ја вашата лозинка. Потоа преминете на Advanced табот, и тука селектирајте “Force old (port 5223) SSL”, во полето Connect port внесете “5223″ додека во Connect server внесете “talk.google.com”.

Тоа е се, треба само да се логирате и ќе можете совршено да го користите вашиот сопсвтен акаунт.

AddToRun е програма која ќе ви овозможи да додадете алиас за било кој .exe фајл, било тоа да е програма или некоја игра. Вака креираниот алиас ќе можете да го внесете во вашиот RUN прозорец и веднаш да и пристапите на програмата. Програмата е голема само 250 KB а работи на XP, Vista и Windows 7.

Одкога ќе ја симнете одзипувајте ја и стартувајте ја. Во прозорецот кој ќе се појави внесете ја патеката на некој .exe фајл и во долниот дел напишете како да биде алиасот за соодветната програма. Следно притиснете Add и ќе ви се појави прозорец дека успешно сте креирале алиас.

За стартување одете во RUN и внесете го алиасот кој го креиравте.

Тоа е се, програмта ќе се стартува.