Во претходниот пост објаснив како да го додадете Windows во Grub менито. По дифолт Grub менито го подигнува Linux оперативниот систем. За оние кои сакат Windows да им биде прв систем кој автоматски ќе се подигнува при стартување на компјутерот еве решение.

Стартувајте го Linux оперативниот систем, отворете Terminal, најавете се како root корисник. Со вашиот омилен текст едитор отворете /boot/grub/menu.lst. Во овој конфигурациски фајл ќе најдете линија default 0. При стандардна инсталација на Linux без некои надградби на кернелот, за сетирање на Windows како прв оперативен систем кој ќе се стартува треба да ја смените линијата во default 4. Рестартирајте и видете дали успешно сте ја завршиле работата.

Доколку имате инсталирано некоја надрградба на кернелот на вашиот Linux систем и во Grub менито при стартување има можност за избор на повеќе кернели, тогаш наместо defaul 4 вие треба да ставите број кој ќе одговара на блокот од наредби за подигање на Windows. Броењето на блок наредбите започнува од 0, па ако имате 2 кернели + 2 recovery mode линии + 1 линија memtest86+ и една линија како наслов за друг оперативен систем во Grub менито а после овие се наоѓа Windows опцијата тогаш вредноста би била default 6.

Напомена како сугестија од minimoog77 пред да правите промени на /boot/grub/menu.lst фајлот направете копија од него со командата cp /boot/grub/menu.lst /boot/grub/menu.lst~.

Расте бројот на корисници кои сакаат да пробат некоја од Linux дистрибуциите, но сеуште да го имаат својот Windows активен во случај да неможат да се снајдат со новиот оперативен систем. Оние кои инсталирале некоја од Linux дистрибуциите (врз постоечки Windows оперативен систем) знаат дека по инсталацијата, и стартување на компјутерот имаат можност за одберат кој оперативен систем да се стартува. Тоа е сосема солидно, но доколку поново инсталираат Windows, тие ќе го загубат Grub boot loader-от кој служи за избор кој оперативен систем да се стартува. Еве решение како да го повратите Grub boot loader-от.

За оваа работа потребно е Live CD од некоја понова Linux дистрибуција, Ubuntu 9.04 на пример.

1. Подигнете го Live CD-то, и стартувајте го terminal-от Applications > Accessories > Terminal.
2. Следен чекор е во terminal да ја внесете командата “sudo grub“.  Потоа внесете “find /boot/grub/stage1” (оваа команда ќе ви ја врати boot партицијата која ќе треба да ја внесете во следната команда). Следната команда би била “root (hd0,0)” (доколку претходниот излез од командата беше hd0,0 доколку е друг, сменете ги броевите во зависност од излезот на /boot/grub/stage1 командата). Следно е инсталација на Grub boot loder-от со командата “setup (hd0)“. Последен чекор е “quit” за излез, и потоа рестарт на оперативниот систем.

Со претходните чекори вие поново го сетиравте Grub boot loder-от, но можно е по рестарт да не се појави Windows оперативниот систем, да има само Linux. Не се секирајте не сте го изгубиле Windows-от само треба да се едитира Gurb-от и се ќе биде во ред.

Стартувајте ја Linux дистрибуцијата, повторно отворете Applications > Accessories > Terminal. Сега внесете ја командата “nano /boot/grub/menu.lst” која ќе ви го отвори текст фајлот кој служи за едитирање на изборот на оперативен систем при стартување на компјутерот. Во овој текс фајл веќе има предефинирани опции за одредени Windows системи, но ние ќе одиме на крајот од фајлот и ќе додадеме наши комнади кои би послужиле за подигунување на Windows оперативниот систем. Тоа се следниве неколку реда на код:

title           Microsoft Windows XP Professional
root            (hd0,0)
savedefault
makeactive
chainloader     +1

Ова би било доволно, и откога ќе го рестартирате вашиот компјутер ќе имате grub мени каде после Linux дистрибуциите ќе имате и една Windows опција која ќе ви овозможи да го подигнете вашиот Windows оперативен систем.

Доколку имате било какви проблеми со Grub слободно оставете коментар.

Кога гледате некој клип на YouTube, сигурно сте приметиле дека под клипот има линк со име “watch in high quality”. Тоа значи дека овој клип има своја HD верзија, односно врезија со подобар квалитет. Како да ја симнете оваа верзија од клипот?

За таа цел тука е Youtube Downloader HD. Оваа програма ќе ви овозможи да го симнете клипот во HD верзија, доколку таа постои. По стартувањето на програмата, само го внесувате линкот од соодветниот клип, и избирате опција под која сакате да го снимите истиот. Понудени можности под кои можете да ги снимате вашите омилени клипови се: AVI или FLV (доколку нема HD верзија од клипот), HD AVI или MP4 high quality (доколку постои HD верзија).

Youtube Downloader HD е бесплатна, и е наменета за сите Windows оперативни системи. Доколку не сакате да ја инсталирате има и портабл верзија.

CPU-Z е бесплатна апликација наменета за Windows оперативните системи. Со неа имате можност на брз начин да дознаете каков хардвер користи вашиот компјутер. Каков процесор користите, на која фрекфенција работи, колко L1 и L2 кеш меморија има, каква е вашата RAM меморија, кој тип на матична плоча имате и која верзија на биос има на неа. Сето ова и многу повеќе од CPU-Z.

Оваа апликација можете да ја симнете од следниов линк CPU-Z.

Сигурен сум дека повеќето знаат дека откога ќе креираат некоја word(.doc) датотека, самата програма додава информации. Во овие информации може да се најде точниот датум кога таа е креирана, кој е нејзин автор, кога е последен пат изменета, и слични вакви информации. Овие информации како кој е нејзин автор се додаваат врз основа на тоа на кој е регистрирана програмата од која таа датотека е креирана.

Така се фаќаат препишувачите на домашни задачи и дипломски работи. Едноставно доколку вие сами не креирате нова датотека, а ја измените старата, вашето корисничко име од програмата се додава како едитор а не како автор. Доколку сакате информациите за автор да се од вас, или ќе морате да ја ископирате цела содржина во нов документ или ќе морате да ја користите алатката Doc Scrubber.

Со оваа алатка ќе можете да го смените и авторот и компанијата од каде е креирана датотеката. Затоа користете Doc Scrubber кога препишувате.