AddToRun е програма која ќе ви овозможи да додадете алиас за било кој .exe фајл, било тоа да е програма или некоја игра. Вака креираниот алиас ќе можете да го внесете во вашиот RUN прозорец и веднаш да и пристапите на програмата. Програмата е голема само 250 KB а работи на XP, Vista и Windows 7.

Одкога ќе ја симнете одзипувајте ја и стартувајте ја. Во прозорецот кој ќе се појави внесете ја патеката на некој .exe фајл и во долниот дел напишете како да биде алиасот за соодветната програма. Следно притиснете Add и ќе ви се појави прозорец дека успешно сте креирале алиас.

За стартување одете во RUN и внесете го алиасот кој го креиравте.

Тоа е се, програмта ќе се стартува.

AlternativeTo преставува добро место каде ќе можете да најдете алтернативна програма. Алтернативна програма во однос на оперативниот систем, или пак на цената. Доколку користите Windwos оперативен систем, а сакате да пробате Linux но не знаете дали вашата омилена програма има Linux верзија, овде можете да проверите, или пак да најдете некое алтернативно решение.

Сајтот има 5 категории во кој може да бидат поделени програмите, и тоа All каде може да се пребаруваат програми за секаков оперативен систем, Windows категорија само за Windows програми, Linux и Mac соодветно, и последната категорија е категорија каде можете да најдете Online програми.

Секој најавен корисник има можност сам да додаде некоја порограма доколку ја нема во базата, да коментира за одредена програма или пак да ја додеда во свои омилени програми. Проверете и уверетесе сами.